aurat ko vedo ne lakshmi kaha hai
aurat ko vedo ne lakshmi kaha hai
magar aaj aurat ke halat ye kya hai
aurat ko vedo ne lakshmi kaha hai
paida hai hoti to maa baap rote
ke saude dahejo ke is par hai hote
bachapan mein bhaiyo se nicha samjhate
paani par ye aur wo dudho mein palte
aurat ko vedo ne lakshmi kaha hai

par dhan samjh kar isko padhaya
bhale dahej dene ko karja uthaya
idhar karje ne sukh chain chhina
hua udhar beti ka mushkil hai jina
aurat ko vedo ne lakshmi kaha hai
sasural mein shish sabko jhukati
sab kaam ghar ke ka bojha uthati
kam dahej laane ke tane bhi sunti
roti hai chhup chhup ke yu to hai jiti
aurat ko vedo ne lakshmi kaha hai

jarurt jo daulat ki unko padi to
maa baap ke paas bheja bahu ko
takleef sasural ki tun uthaao
nahi apni beti ko ghar mein bithao
aurat ko vedo ne lakshmi kaha hai
bina dosh ke dekho pakadi hui hai
ajab ghor dukho mein jakadi hui hai
hai bachne ke liye kuo mein padi
hatho lagaai ye aago mein jalti
aurat ko vedo ne lakshmi kaha hai

kabhi to julm ispe yu bhi hua hai
ki sasuro ne isko katl bhi kiya hai
marne se iske khushi unko hoti
naya dahej milta nayi bahu milti
aurat ko vedo ne lakshmi kaha hai
mana ye har ghar ka kissa nahi hai
magar kafi bahano ka hissa yahi hai
ae hind walo ise tum uthaao
padhao likhao aur uncha bithao
lakshmi jo kahte ho lakshmi banao
aurat ko vedo ne lakshmi kaha hai