kaala dhuwan sadkon par faila hai
ek gali chupke se andar jaati hai
darwaaje par taale hai lekin dekho
chintu ke ghar peeche se ghus jaati hai
usi gali mein aaj shaam hum jaayenge
birthday hai, chintu ne humein bulaya hai
kaha “gift koi tum lao na lao na laao,
shartein hai kuch” bas itna samjhaya hai

is chaukhat ke paar nahi tum laa sakte
bair kisi ke liye basa man mein apne
aana hai toh bhool sabhi gham ko jao
laa sakte ho, laa sakte ho sirf sunahre kuch sapne
waise cake kaha papa ne laayenge
koi natkhak sa tum bhi la sakte ho
khushiyo ki banti jo hai na mithaiyan
unhe poore, unhe poore shehar mein batwa sakte ho

rang birange gubbare bhi le aana
zinda saansein unme hum bhar daalenge
mombattiyan kuch chhote armaano si
ziddi lau se une bada kar daalenge
didi se, naani se meri mat darna
mummy jaisi dil ki dono pyaari hai
baahar ka sab bhool mere ghar aajao
meri jo duniya hai sabse nyari hai

us duniya mein aaj shaam hum jaayenge
bhool siyasi maslo ko, jhagdo ko sab
thodi der ke liye aap bhi aajao
ek cheej bas le aana aaoge jab
maachis ki ek aisi teeli le aana
baahar ki har aag ko khud mein ghere ho
ek diya jal jaaye bas umeedo ka
chintu ka birthday andhere mein na ho