fauji gaya jab gaanv mein
fauji gaya jab gaanv mein
pahan ke rangarut
ful but paanv mein
fauji gaya jab gaanv mein
fauji gaya jab gaanv mein

pehle logon ne rakha tha
mera naam nikhattu
do din mein jag aise
ghuma jaise ghuma lattu
bharati ho ke karanaila
karanail sinh ban baitha
mera baapu saath mere
jaranail sinh ban baitha
aate dekha mujhako
to karane lage salaami
aage pichhe daude chacha
chaachi maamaa maami
yaaron ne saamaan
utha kar rakha apane sar pe
daravaaje par baithe the
sab jab main pahuncha ghar pe
kas kar pure jor se
phir maine sailyut jo maara
sabaki chhutti ho gayi
phir maine but jo maara
fauji gaya jab gaanv mein
fauji gaya jab gaanv mein

ghar ke andar ja kar
phir jab maine khola baksa
dekh rahe the sab
dekhein jag ka naksha
sabako tha maalum sham
ko khulegi ram ki botal
sab aa baithe ghar par mere
ghar mera ban gaya hotal
bich mein baitha tha main
sab baithe the aaju baaju
itane mein banduk chali
bhayi gaanv mein aaye daaku
utar gayi thi sabaki
chhup gaye saare dar ke maare
main ghar se nikala sab
mera naam pukaarein
maar ke laathi zamin pe
jhat se daakuyon ko lalakaara
ve the chaar akela main
maine chaaron ko maara
fauji gaya jab gaanv mein
fauji gaya jab gaanv mein

chhod ke apane ghode
daaku jaan bacha kar bhaage
meri vaah-vaah karate
subah nind se log jaage
main kheton ki sair ko
nikala mausam tha mastaana
raste mein vo mili mera
jisase tha ishq puraana
kub sune aur kub sunaaye
kisse agale pichhale
nikala chaand to ham
dono bhi khet se baahar nikale
haay-haay mach gaya
shor saare gaanv mein
fauji gaya jab gaanv mein
fauji gaya jab gaanv mein