jakme tanhayee me kushbue hina kisakee thee
saya diwar pe meraa tha sada kisakee thee

aansuo se hee sahee bhar gaya daman meraa
hath toh mainne uthaye the duwa kisakee thee

meree aaho kee jaban koyee samajhata kaise
jindagee itanee dukhee mere siva kisakee thee

chhod dee kisake liye tune mujaffar duniya
justju see tujhe har wakt bata kisakee thee

usakee raftar me lipatee rahee meree aankhen
usane mudkar bhee na dekha kee wafa kisakee thee

wakt kee tarah dabe panv yeh kaun aaya hai
mai andhera jise samajha woh qaba kisakee thee

aag se dostee usakee thee jala ghar meraa
dee gayee kisako saja aur kata kisakee thee

mainne binayiya bokar bhee andhere kate
kisake bas me thee jamin aabo hawa kisakee thee