khile jo phul to munh chhip gayaa sitaaro kaa
misaal-e-abr chalaa kaarawaan bahaaro kaa

na mujhase puch shab-e-hijr dil pe kyaa guzari
ye dekh haal hai kyaa mere gam-gusaaro kaa

na_i bahaar liye ik nayaa chaman khil jaaye
samajh sake ko_i matalab agar ishaaro kaa

shab-e-siyaah ke lamhe guzaar lene do
ghadi ghadi na karo zikr maah-paaro kaa

hu_aa na raah me ghaayal ko_i shagufaa bhi
ravaan ravaan hi ragaa qaafilaa bahaaro kaa

not part of this ghazal
aaj un raasto par tanhaa_i ki dhul udati hai
jo tere naqsh-e-kaf-e-paa se sajaa karate the

mujhe bhi ahal-e-jahaan bhul jaayege 'shahazaad'
kise khayaal hai dube huye sitaaro kaa