man ke darpan me dekhe hai kitne rang jiwan ke
man ke darpan me dekhe hai kitne rang jiwan ke
saat sur milke jaise sangit me dhale
phul chun chun ke jaise gulshan koi khile
man ke darpan me dekhe hai kitne rang jiwan ke

pal me badal hai, pal me kirne hai
bhor hai sanjh hai kabhi
ek pal man niraash hai aash hai kabhi
pal me muskan, pal me hairan pyar hai
bair hai kabhi, log apne hai ek pal, gair hai kabhi
pal ye kab jaane din bane
jane kaise din badale saal me
ugliyo pe gine agar yu to
saal bhi gujare hai kai
pichhe mudke jo dekhe ek baar
aaj bhi yaad hai sabhi

yaado ke sath, khawab ke silsile chale
bite har pal ke rang, har khawab me mile
man ke darpan me dekhe hai kitne rang jiwan ke
man ke darpan me dekhe hai kitne rang jiwan ke

bin ladkpan ke manchalepan ke
kitne masum the sabhi
ab hai afsos laut ke aayenge nahi
pal do pal ke hai, sare ehsaas
pal do pal ki hai zindagi
rishte nate bhi khel hai pal do pal ke hi
bahti nadiya ke dhaar ke jaisi
har khusi aani jani hai
saanse jab tak hai chal rahi
dhadkano me jab tak rawani hai
ek roshan deeye ki lau jaisi
zindagi ki kahani hai, zindagi ki kahani hai
aandhiyo me bhi zindagi ki ye lau chale
saanso ki lay par umar ki dasta chale