mariz-e-muhabbat uhi kaa fasaanaa
sunaataa rahaa dam nikalate nikalate
magar zikr-e-shaam-e-alam jab_ki aayaa
chiraag-e-sahar bujh gayaa jalate jalate

iraadaa thaa tark-e-muhabbat kaa lekin
fareb-e-tabassum me phir aa ga_e ham
abhi khaa ke thokar sambhalane na paa_e
ki phir khaa_i thokar sambhalate sambhalate

are ko_i vaadaa khalaafi ki had hai
hisaab apane dil me lagaa kar to dekho
qayaamat kaa din aa gayaa rafataa rafataa
mulaaqaat kaa din badalate badalate

uhe khat me likhaa ki dil muztarib hai
javaab un kaa aayaa muhabbat na karate
tumhe dil lagaane ko kisane kahaa thaa
bahal jaa_egaa dil bahalate bahalate

hame apane dil ki to parawaa nahi hai
magar dar rahaa hun ye kamsin ki zid hai
kahi paa_e naazuk me moch aa naa jaa_e
dil-e-sakhat_jaan ko masalate masalate

vo mahamaan hamaare hu_e bhi to kab tak
hu_i shammaa gul aur na dube sitaare
'qamar' kis qadar unako jaladi thi ghar ki
vo ghar chal diye chaandani dhalate dhalate