maa ko pukarkar pucha bachhe ne
aaya kahan se ho maa bolo to
pada kaha paya gaya bolo to
sunkar sawal yeh maa ke stano se uphal pada dudh
aur beh aaya aankho se uttar

mere lal tum to hamesha the mere mann ki abhilasha me
mere tan ki paribhasha me bachpan ke gudiyaghar me
kitni bar tujhe khelte khelte toda todte todte joda
pakar khoya or khokar paya hai kaha se batau tu aaya hai
pada tujhe maine kaha paya hai mere lal

mila tha mann ko mere jab ik tan
upja tha tu hi ik madhur chhand ban
gaat gaat ang ang mehka tha chhan chhananan
os bhari subah se suhag ke sangit se sab ki manuhar se
indradhanushi sapno sa aaya hai kaha se batau tu aaya hai
pada tujhe maine kahan paya hai mere lal

tu ha tu hi to hai meri amar aasha subah ka sapna
maa aur dadi ki sunhari khwahish
prem ki parampara khwab ki khwahish
aur prem ki asha se bani teri kaya hai
kaha se batau tu aaya hai
pada tujhe maine kaha paya hai mere lal