palkon pe phool khile aise ye soya hai
neendo ke gamle me koi khwab jaise boya hai
jaadu ki chhadi leke koi apsara aayegi
chutki me bikhri cheeze theek kar ke jaayegi
inka har kaam hi kal pe hai tal raha
sooraj kabse inke gaalo pe dhoop mal raha
valentines day aaya life me rang laaya
par inke calender me october hi chal raha
kaisa ye khel hai rishto ka mel hai
khushiyaa dhoondhe yahan wahan
kaisi paheli hai ye, mast albeli hai ye
uljhe kuchh suljhe hai yahan

dil hirni sa kuchh idhar chaukanna sa rehta hai
suljha hua sa koi raag bajta rehta hai
inko hi deke din bhi roshan hota hai
jo bhi inko dekhe Woh sapne laakh sanjota hai
inke chhoone se cheeze sanvarti jaati hai
kudrat inki ghadi ko theek karke jaati hai
roop se dhoop chale, zulfo me shaam dhale
suraj deewana banke inki hi chaal chale
kitna bemel hai, phir kaisa mel hai
khushiyaa dhoondhe yahan wahan
kaisi paheli hai ye, mast albeli hai ye
uljhe kuchh suljhe hai yahan
kaisa ye khel hai rishto ka mel hai
khushiyaa dhoondhe yahan wahan
kaisi paheli hai ye, mast albeli hai ye
uljhe kuchh suljhe hai yahan