simati huyi ye ghadiyaan
phir se na bikhar jaayen
phir se na bikhar jaayen
is raat me ji le ham
is raat me mar jaayen
is raat me mar jaayen
simati huyi ye ghadiyaan

ab subahaa na aa paaye
aao ye duaa maange
ab subahaa na aa paaye
aao ye duaa maange
is raat ke har pal se
raate hi ubhar jaayen
raate hi ubhar jaayen
simati huyi ye ghadiyaan

duniyaa ki nigaahe ab
ham tak na pahunch paayen
duniyaa ki nigaahe ab
ham tak na pahunch paayen
taaro me base chalakar
dharati pe utar jaayen
dharati pe utar jaayen
simati huyi ye ghadiyaan

haalaat ke tiro se
chhalani hai badan apane
haalaat ke tiro se
chhalani hai badan apane
paas aao ke sino ke
kuchh zakhm to bhar jaayen
kuchh zakhm to bhar jaayen
simati huyi ye ghadiyaan

aage bhi andheraa hai
pichhe bhi andheraa hai
aage bhi andheraa hai
pichhe bhi andheraa hai
apani hai wohi saanse
jo saath guzar jaayen
jo saath guzar jaayen
simati huyi ye ghadiyaan

aa aa aa, hun hun hun
ye ghadiyaan phir se
hun hun hun, simati huyi
hun hun hun
bichhadi huyi ruho kaa
ye mel suhaanaa hai
bichhadi huyi ruho kaa
ye mel suhaanaa hai
is mel kaa kuchh ahasaan
jisamo pe bhi kar jaayen
jisamo pe bhi kar jaayen
simati huyi ye ghadiyaan

tarase huye jazabo ko
ab aur na tarasaao
tarase huye jazabo ko
ab aur na tarasaao
tum shaane pe sar rakh do
ham baanho me bhar jaayen
ham baanho me bhar jaayen
simati huyi ye ghadiyaan
phir se na bikhar jaayen
phir se na bikhar jaayen
simati huyi ye ghadiyaan