thi subh suhag ki raat madhur
madhu chalak raha tha kan kan me
sapne jagate the naino me araman machalate the man me

sardar magan man jhum raha
pal pal har ang phadakata tha
hotho par pyas mahakati thi
prano me pyar dhadakata tha
tab hi ghunghat me muskati pag payal cham cham chamakati
rani anthapur me ayi kuch sakuchati kuch sharamati

menhadi se hath rache dono
mathe par kumakum ka tika
gora mukhada muska de to
punan ka chand lage fika
dhire se badh chudavat ne dhire se badh chudavat ne
rani ka ghunghat pat khola
nas nas me kaundh gayi bijali pipal patte sa tan dola

adharon se adhar mile jab tak lajja ke tute chand bandh
ran bigul dvar par gunj utha
ran bigul dvar par gunj utha
sahanai ka svar hua mad
bhujabadhan bhula alingan
alingan bhul gaya chumban
chumban ko bhul gayi sansen
sanso ko bhul gayi dhadakan

sajkar suhag ki sej saji sajkar suhag ki sej saji
bola na yuddh ko jaunga teri kajarari alako me
man moti aaj bithaunga pahle to rani rahi maun
phir jval jval si bhadak uthi
bin badal bin barakha mano kya bijali koi tadap uthi

ghayal nagan si bhauh tan ghunghat ukadakar yun boli
talvar mujhe de do apni tum pahan raho chudi choli
pinjde me koi bad sher pinjde me koi bad sher
sahasa sote se jaag uthe ya andhi andar sath liye
jaise pahad se aag uthe ho gaya khada tan kar rana
hathon me bhala utha liya

har har bam bam bam mahadev
har har bam bam bam mahadev
kah kar ran ko prasthan kiya jab dekha pati ka vir vesh
pahale to rani harshai phir sahami jhijhaki akulai
ankhon me badali ghir aayi

pagal si gayi jharokhe par parkati hasini thi adhir
ghode par chadha dikha rana
jaise kaman par chadha tir dono ki ankhen hui char
chudavat phir sudhabudh khoi
sandesh pathakar rani ko mangvaya premchinh koi

sevak ja pahuncha mahalon me rani se mangi sainani
rani jhijhaki phir chikh uthi boli kah de mar gai rani
le khadg hath phir kaha thahar
le sainani le sainani ambar bola le sainani
dharti boli le sainani

rakh kar chandi ki thali me sevak bhaga le sainani
rana adhir bola badhakar la la la la la sainani
kapada jab magar uthaya to
rah gaya khada muraat banakar lahuluhan rani ka sir
hansata tha rakha thali par

saradar dekh kar chikh utha
ha ha rani meri rani adbhut hai teri kurbani
tu sachamuch hi hai shatrani
phir ed lagai ghode par
dharaati boli jay ho jay ho
hadi rani teri jay ho o bharaat ma teri jay ho
bharaat ma teri jay ho o bharaat ma teri jay ho